PopUp MP3 Player (Nouvelle fentre)

Inscription e-mail

Inscrivez votre e-mail pour recevoir toutes les informations de Aït Menguellet

 

A kwen-ixdeε Rebbi

 

Nessawel-asen i wid iεeddan

I wid yemmuten γef lḥerma-s

Γas tettcekti ur das-d-slan

Yak widak yakkw γaben yiw-wass

Ay atma a wi dawen-imlan

Tamurt i εzizen i kwen-irḥan

A wen-imel amek akkw i tt-rran

Runt ula d ttjur fell-as

Yerẓa-tt lfil iεeddan

Yečča-tt gma-s i s-d-rnan

A tt-yenṭel win i tt-yurğan

Yiwen ur dasen-iga tilas

 

Mkul lεib la d-yettnulfu

Yak sseg-wen i d-yewwi imγi

Mi das-nenna ard ad tefru

Ziγ ass-agi iγleb iḍelli

Tamurt i terẓam tettru

Ur tjebbeṛ ur tḥellu

Ahat tesεa deεwessu

Fell-awen ara d-testeqsi

Yiw-wass ma ihuz-d waḍu

Neḍmaε yes-wen ara yeglu

A kwen-ifreḍ ard ad teṣfu

Annaγ a kwen-ixdeε Rebbi

 

Asmi akken imi tebda

S kra n-wergaz mi-yedda

Yenwa γef tlelli

Ziγen γur-wen thegga

Lmeqsud d leqyada

Mačči d arumi

Asmi tt-tḥuzam d ayla

Nekwni ulac kunwi yella

Tgam-as isem ttuṛa

A kwen-ixdeε Rebbi

 

Ajajiḥ asmi i-yεedda

Yeğğa-d tiggujelt tuğğla

Lejraḥ d yimeṭṭi

Win iruḥen s niyya

Yeğğa-d axxam-is yexla

Teggwram-d akkw kunwi

Terram i cceεb ṣṣrima

Ddu neγ ekf-d nnekwa

Tgam-as isem lḥureyya

A kwen-ixdeε Rebbi

 

Tamurt tuγal-awen d ayla

Teččam-tt akken idawen-ihwa

Gar-awen i d-teγli

Γur-wen kra tebγam yella

Yiwen ur izmir a d-yini ala

Cceεb ittwali

Tewwim tamurt d ttrika

Wi ineṭqen a s-tinim akka

Teqqarem-aγ d ctirakeyya

A kwen-ixdeε Rebbi

 

I wakken a tt-teṭṭfem lebda

Tferqem tamurt tebḍa

Aγerbi acerqi

Taεdawt-nneγ tennerna

La tesmendagem isufa

Tezgam-d i tili

Gar-aneγ nettemεassa

Terram-aγ wa yekkat wa

Tennam-aγ tadukli akka

A kwen-ixdeε Rebbi

 

Ass-a γas tuḍen aqerru-s

Γas akken mazal nxuṣ

Nerbeḥ-d aḍilli

Γas times-nni n zik tettnus

Yuγal-aγ γer-ljerḥ lmus

Mi tellam kunwi

Nekwni s cceεb amekḥus

Kra ara yeḍrun yid-neγ drus

Mazal nekkat-awen afus

A γ-yexdeε Rebbi



Read more
mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter